Tablet Vs. Laptop (တက်ဘလက်လား၊ လက်ပ်တော့လား ဘာကိုသုံးမလဲ)

 Tablet Vs. Laptop
==================
တက်ဘလက်လား၊ လက်ပ်တော့လား၊ ဘာကိုသုံးမလဲ
===============================


တက်ဘလက် ပီစီ ဆိုတာ ခရီးဆောင် သယ်ရ လွယ်ကူခြင်း၊ အသုံးရ လွယ်ကူခြင်းနဲ့
ဘက်စုံ သုံးနိုင်ခြင်းတွေကြောင့် လူကြိုက် များလာရပါတယ်။ ဒါကြောင့်
လက်ပ်တော့တွေ နေရာကို အစားထိုး သိမ်းပိုက်လိမ့်မယ်လို့လည်း
ခန့်မှန်းထားကြတယ်။ ဒါပေမဲ့ ကွန်ပျူတာ သုံးတဲ့သူတွေ လက်ပ်တော့ တွေကို
စွန့်ပြီး တက်ဘလက်တွေ တကယ် သုံးလာကြပြီလား ဆိုတာ ပြန်လည် ဆန်းစစ်ကြည့်ဖို့
လိုပါတယ်။ တက်ဘလက်ဟာ ခရီးဆောင်ရတာတော့ ကောင်းတယ်၊ လက်ပ်တော့တွေလောက်
သုံးရတာ စိတ်ကျေနပ်မှု ရှိရဲ့လား ဆိုတာလည်း ပြန်လည် ဆန်းစစ်ဖို့ လိုပါတယ်။

လက်ပ်တော့ရော တက်ဘလက်ပါ သူ့ကောင်းချက်လေးတွေနဲ့ သူ ရှိပါတယ်။ ဒါပေမဲ့ အားသာချက်၊ အားနည်းချက်လေးတွေကတော့ ကိုယ်စီ ရှိကြပါတယ်။

Input Method


တက်ဘလက်နဲ့ လက်ပ်တော့မှာ အဓိက ကွာခြားချက် ဘာလဲလို့မေးရင် ကီးဘုတ်ပါတာနဲ့
မပါတာ သိသာတဲ့ ကွာခြားချက် ဖြစ်ပါတယ်။ တက်ဘလက်မှာ လုပ်ဆောင်မှု မှန်သမှ
မြင်ကွင်းပေါ်ကို လက်ချောင်းလေးတွေနဲ့ တို့ထိပြီး ခိုင်းစေရပါတယ်။
ကွန်ပျူတာကို ခိုင်းစေတဲ့ စနစ်ကို Input method လို့ ပြောနိုင်တယ်။ Touch
လုပ်ပြီးတော့ Input လုပ်နိုင်တဲ့ စနစ်ကို ကျင့်သုံးတာပါ။ မျက်နှာပြင်
ပေါ်မှာပဲ ပွတ်လိုက်၊ ဆွဲလိုက်၊ ချုံ့လိုက်၊ ချဲ့လိုက် အားလုံး
လုပ်ဆောင်နိုင်တယ်။

ပြဿနာက စာရိုက်တော့မယ်ဆိုရင် စတော့တာပဲ။
အီးမေးလ်အတွက် စာရိုက်ရတာတွေ၊ အခြားစာတွေ ရိုက်ချင်ရင်တော့ ကီးဘုတ်
မပါတဲ့အတွက် သိပ် အဆင်မပြေဘူး။ ဒါကြောင့် layout နဲ့ ဒီဇိုင်းသမားတွေ
အတွက်ကတော့ လုံးဝ စိတ်တိုင်းကျမှာ မဟုတ်ပါဘူး။ တကယ့် ကီးဘုတ်ကို သုံးလာတဲ့
သူတွေအတွက် တက်ဘလက်ရဲ့ စာရိုက် စနစ်ကို အားရမှာ မဟုတ်ဘူး။ ကီးဘုတ်ကို
Bluetooth နဲ့ တွဲပြီး ကြိုးမဲ့ ဆက်သွယ် သုံးနိုင်တာတွေ ရှိပေမယ့် အပို
ပိုက်ဆံထပ်ကုန်မယ့် ကိစ္စတော့ ရှိပါတယ်။

ရလဒ် - စာများများ
ရေးချင်သူတွေအတွက် လက်ပ်တော့ပဲ အဆင်ပြေတယ်။ လက်ကလေးနဲ့ တို့ပြီး ဟိုခိုင်း
သည်ခိုင်း လုပ်တာလောက်ကတော့ တက်ဘလက်က ကောင်းပါတယ်။


Size


တက်ဘလက်နဲ့ လက်ပ်တော့ကို အရွယ်အစား နှိုင်းယှဉ် ပြောရတာ ခက်ပါတယ်။ တက်ဘလက်
တစ်လုံးဟာ အရွယ်အစား အလွန်ကြီးမှာ A4 စာရွက် တစ်ရွက်စာလောက်ပဲရှိမှာ။
အလေးချိန်ကလည်း နှစ်ပေါင်လောက်တော့ ရှိပါလိမ့်မယ်။ လက်ပ်တော့တွေကတော့
ပိုပြီးတော့လည်းကြီး၊ ပိုပြီးတော့လည်း လေးတယ်။ Apple Mac Book Air 11
ဆိုရင်တောင် ပေါ့ပါတယ်ဆိုတာ နှစ်ပေါင်လောက် လေးတယ်။ အရွယ်အစားကလည်း iPad
တက်ဘလက်ထက် ပိုကြီးတယ်။ ကီးဘုတ်တွေ trackpad တွေ ထည့်ထားရတော့ လက်ပ်တော့က
ပိုကြီးမှာပါ။ ကြီးပေမယ့် လေဝင် လေထုတ် စနစ်တွေ၊ စွမ်းအား ကောင်းပြီး
လုပ်ဆောင်နိုင်စွမ်းတွေကို ပိုသာအောင် လုပ်ထားတာကလည်း လက်ပ်တော့ရဲ့
အားသာချက် ဖြစ်နေတယ်။ တက်ဘလက်က သယ်ဆောင်ရတာ လွယ်တယ်၊ ခရီးသွားရင်း သုံးလို့
လွယ်တယ်ဆိုပေမယ့် အရွယ်အစားက သိပ်ကြီးမားတယ်ဆိုတာ ပြဿနာတော့ မဟုတ်လောက်
ပါဘူး။

ရလဒ် - တက်ဘလက်

Battery Life


တက်ဘလက်တွေကို ဒီဇိုင်း ထုတ်ကတည်းက ပါဝါစား နည်းအောင် စီမံထားကြတာ များတယ်။
ဒါကလည်း အတွင်းမှာ ထည့်ထားတဲ့ ဟာ့ဒ်ဝဲကြောင့် ဖြစ်ပါတယ်။ တက်ဘလက်
အတွင်းပိုင်းမှာ ဘက်ထရီအတွက် နေရာများများ မပေးနိုင်တာကြောင့်လည်း
လျှော့ရတာလေးတွေ များတယ်။ လက်ပ်တော့မှာတော့ စွမ်းအားမြင့်တဲ့ ဟာ့ဒ်ဝဲတွေကို
စိတ်ကြိုက် ထည့်သုံးပေးနိုင်စွမ်း ရှိတယ်။ နေရာ ထည့်ဖို့
အလွတ်ပေးနိုင်တာရယ်၊ ဘက်ထရီကို စိတ်ကြိုက် သုံးနိုင်တာတွေက လက်ပ်တော့ရဲ့
အားသာချက်လို့ ပြောနိုင်တယ်။ ဒါပေမဲ့ ဟာ့ဒ်ဝဲ ကောင်းကောင်း သုံးရင်
ဘက်ထရီသုံးအား ပိုများတတ်တယ်။ ဒါကြောင့် လက်ပ်တော့တွေဟာ တက်ဘလက်လောက်တော့
ကြာကြာသုံးနိုင်မှာ မဟုတ်ဘူး။ တက်ဘလက်တွေကို အင်တာနက်လောက် သုံးရင်
အနည်းဆုံး ၁၀ နာရီလောက် သုံးနိုင်တယ်။ လက်ပ်တော့ တစ်လုံးရဲ့ ပျမ်းမျှ
အကြာဆုံး သုံးနိုင်ချိန်ဟာ သုံးလေး နာရီလောက်ပဲ ဖြစ်ပါတယ်။ အင်တာနက် သက်သက်
သုံးရင်တောင် ရှစ်နာရီလောက်ပဲ ခံတယ်ဆိုတာလည်း တက်ဘလက်နဲ့ ယှဉ်ရင်
နည်းနေသေးတယ်။ တစ်နေ့လုံး သုံးဖို့ ဆိုရင်တော့ တက်ဘလက်က ပိုသင့်လျော်ပါတယ်။

ရလဒ် - တက်ဘလက်

Storage Capacity


အရွယ်အစားနဲ့ တန်ဖိုးကို လိုက်ပြီး ကွာခြားနိုင်ပါတယ်။ တက်ဘလက်တွေမှာက SSD
လို့ခေါ်တဲ့ solid state drive တွေကိုပဲ သုံးထားတာ များတယ်။ ဟာ့ဒ်ဒစ်ကို
မသုံးကြဘူး။ ဒေတာနဲ့ ဆော့ဖ်ဝဲ ပရိုဂရမ်တွေကိုလည်း SSD နဲ့ပဲ သိုလှောင်ထားတာ
များတယ်။ SSD ရဲ့သဘောက ဒေတာတွေကို အမြန်ဆုံး လုပ်ဆောင်နိုင်အောင်
စီစဉ်ပေးနိုင်ပြီး၊ ပါဝါ စားသုံးမှုလည်း အလွန် နည်းပါတယ်။


လက်ပ်တော့တွေကတော့ အစဉ်အလာ ဟာ့ဒ်ဒစ်တွေကိုပဲ သုံးနေကြတာ တွေ့ရတယ်။
ဟာ့ဒ်ဒစ်ကို သုံးတဲ့ လက်ပ်တော့တွေဟာ တက်ဘလက်တွေထက် သိုလှောင် စွမ်းအင် ပမာဏ
ပိုပြီး များများရ လိမ့်မယ်။ Netbook ဆိုတာတောင် 160GB လောက် အနည်းဆုံး
ထည့်ပေးနိုင်တာ တွေ့ရတယ်။ အချို့သော လက်ပ်တော့တွေမှာ ဟာ့ဒ်ဒစ်အပြင် SSD
ကတ်တွေကိုပါ ထည့်သုံးနိုင်တဲ့အတွက် အပို 64GB လောက် သုံးနိုင်တဲ့
အနေအထားမှာ ရှိနေပါတယ်။

ရလဒ် - လက်ပ်တော့

Performance


တက်ဘလက်တွေမှာ သုံးထားတဲ့ ပရိုဆက်ဆာတွေဟာ သိပ်ပြီး အမြင့်ကြီးတွေ
မဟုတ်ပါဘူး။ လက်ပ်တော့တွေမှာ သုံးထားတဲ့ ပရိုဆက်ဆာတွေလောက် စွမ်းအား
မကောင်းတာ အမှန်ပဲ။ ဒါပေမဲ့ တက်ဘလက်နဲ့ လက်ပ်တော့တွေမှာလည်း ပရိုဆက်ဆာကို
ရွေးချယ်နိုင်တဲ့ အနေအထားမှာ ရှိပါတယ်။ ပရိုဆက်ဆာ ကောင်းသင့်
မကောင်းသင့်ဆိုတာ ဘာသုံးမှာလည်းဆိုတဲ့ အပေါ်လည်း မူတည်တယ်။ အီးမေးလ်၊
အင်တာနက်၊ ဗီဒီယို၊ အော်ဒီယိုလောက် သုံးတာကတော့ စွမ်းအား အရမ်း ကောင်းတဲ့
ပရိုဆက်ဆာတွေ မလိုပါဘူး။

ဂရပ်ဖစ် စွမ်းအားကို အရမ်းသုံးရတဲ့
ဗီဒီယို တည်းဖြတ် ဆော့ဖ်ဝဲတွေ၊ ဂိမ်းတွေကို ဆော့မယ်ဆိုရင် performance
ကောင်းကောင်း ထုတ်ပေးနိုင်တဲ့၊ ဂရပ်ဖစ်ကိုလည်း သုံးရမယ့် လက်ပ်တော့တွေပဲ
သုံးသင့်တယ်။

နောက်ထုတ်တဲ့ iPad 2 လိုတက်ဘလက်တွေမှာ iMovie ကို
သုံးနိုင်တာ တွေ့ရတယ်။ အဲဒီဆော့ဖ်ဝဲ က ဗီဒီယို တည်းဖြတ်တာတွေကို
လုပ်နိုင်တယ်ဆိုတော့ ဟာ့ဒ်ဝဲကလည်း ကောင်းမှ ရပါတယ်။ ဒါကြောင့် iPad 2 မှာ
လက်ပ်တော့ဖြစ်တဲ့ MacBook Pro လိုပဲ ဟာ့ဒ်ဝဲချင်း တူပြီး iMovie ကို
နှစ်မျိုးစလုံးမှာ သုံးနိုင်တာက လွဲပြီး ကျန် တက်ဘလက်တွေမှာတော့ ဂရပ်ဖစ်
ဆော့ဖ်ဝဲတွေ သုံးနိုင်ဖို့ ခက်ပါတယ်။

ရလဒ် - လက်ပ်တော့

Cost


တန်ဖိုးအရ ပြောရရင် တက်ဘလက်က ဈေးကွက်ကို နောင်ဆုံးမှ ရောက်လာတာ ဖြစ်သလို၊
ဆန်းသစ်မှုကြောင့် တန်ဖိုးလည်း မြင့်သေးတယ်လို့ ဆိုရမယ်။ နောက်ဆုံး
နည်းပညာသစ်တွေက တက်ဘလက်ထဲမှာပဲ ရနိုင်သေးတာလည်း ပါတယ်။ တက်ဘလက် တစ်လုံးကို
အနည်းဆုံး ပျမ်းမျှ ၄၉၉ ဒေါ်လာလောက် ပေးမှ ကောင်းကောင်း ရနိုင်တယ်။
လက်ပ်တော့ တစ်လုံးကတော့ ဒေါ်လာ ၃၀၀ နဲ့ ၄၀၀ လောက်ပေးရင် ကောင်းကောင်း ရတယ်။


ဒါပေမဲ့ လက်ပ်တော့ သုံးတဲ့သူတွေကလည်း သိပ်ပြီး ဈေးပေါပေါ မလိုက်ကြပါဘူး။
ဒေါ်လာ ၆၅၀ တန် လောက်ကို အများစုက သုံးနေကြတယ်ဆိုတာ ဆန်းစစ်ချက်တွေအရ
သိရပါတယ်။ လက်ပ်တော့တွေ ဟာ တက်ဘလက်တွေထက် စွမ်းရည် ကောင်းပေမယ့် တန်ဖိုးမှာ
နိမ့်တာကလည်း စဉ်စားစရာ ဖြစ်ပါတယ်။ Netbook တစ်လုံးဟာ အနည်းဆုံး ဒေါ်လာ ၃၀၀
လောက် ပေးရင် ရနိုင်တယ်။ ဒါကလည်း တက်ဘလက် ဈေးနဲ့ အတူတူလောက်ပဲ ဖြစ်နေပြီ။
သယ်ဆောင်မှု အနေအထား၊ အသုံးတည့်မှု အလိုက် တတ်နိုင်တာကို သုံးဖို့ပါပဲ။

ရလဒ် - သရေ

နိဂုံး ဆွဲကြည့်ခြင်း


မိုဘိုင်းလ် ကွန်ပျူတာတွေထဲမှာတော့ လုပ်ငန်းသုံး၊ ကျောင်းသားသုံး
လက်ပ်တော့တွေကိုပဲ အများဆုံး သုံးကြပါတယ်။ တက်ဘလက်ကို ပေါ့ပေါ့ပါးပါး သယ်၊
ပေါ့ပေါ့ပါးပါး သုံးချင်သူတွေကတော့ ကြိုက်မှာ သေချာတယ်။ အင်တာနက်၊
အီးမေးလ်၊ ဗီဒီယို၊ အော်ဒီယိုလောက်ကတော့ တက်ဘလက်က ကောင်းပါတယ်။ အိမ်အတွက်
Desktop ကွန်ပျူတာ၊ ရုံးအတွက် Laptop နဲ့ ခရီးဆောင် Tablet ဆိုပြီး
ဝယ်ထားနိုင်ရင်တော့ ပိုပြီး အသုံးတည့်နိုင်ပါလိမ့်မယ်။ ဘာကောင်းသလဲလို့
မေးရင် ဘာသုံးမှာလဲလို့ ပြန်မေးရမယ်။ ကိုယ်သုံးမယ့်အပေါ် မူတည်ပြီးတော့
ဘာကောင်းတယ်ဆိုတာ ဆုံးဖြတ်ရပါလိမ့်မယ်။

Credit : The Voice Weekly 

www.Facebook\The Voice Weekly